Hopp til innhold
X
Innhald

Bygdedokter i Leirgulen

Før bygdene fekk distriktslegar og jordmødre var det ofte «hjelpekoner» og sjølvlærde bygdedokterar som vart bodsende når folk hadde trong for fødsels- eller legehjelp.

Ein slik var Jon Per Jonson Leirgulen (1856–1946) i Leirgulen. Han vart kalla både «Svarte-Jo» fordi han var så mørkléta, og for «Lisje-Jo» fordi han var så småvaksen.

Men han hadde lært seg kunsten å lækje folk som trengde det: Til hjelp hadde Jo ein bryneliknande stein som han drog over det vonde staden, eller han kokte medisin av urter og nokre spesielle steinar som han putta i gryta. Kor friske folk vart etter denne kuren, fortel soga ingenting om.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 14.10.2008