Hopp til innhold
X
Innhald

Fiskeoppdrett i Bremanger

K. Strømmen lakseoppdrett i Rugsund. Foto: Ottar Starheim, NRK.

K. Strømmen lakseoppdrett i Rugsund. Foto: Ottar Starheim, NRK.

Fiskeoppdrett har sidan 1980-talet vore ei av dei største næringane i Bremanger kommune.

Kristen Strømmen og Peder Bakke var pionérane som starta dei første lakseoppdretta tidleg kring 1970; Strømmen i Rugsund og Bakke ved Smørhamn. Bakke prøvde seinare på oppdrett av piggvar og kveite i temperert spillvatn frå Bremanger Smelteverk i Svelgen. I 1979 bygde Strømmen eige lakseslakteri i Rugsund, og frå Måløy kom Myrvang-brørne med Håkon Myrvang i spissen og bygde opp Davik Fiskefarm (sjå Davik Fiskeindustri ). I Botnane starta Norulv Øvrebotten eit stort setjefiskanlegg som seinare vart overteke av Firda Settefisk, eigd av Ola Braanas. Den Måløy-baserte Domstein- gruppa satsa frå 1985 tungt på oppdrett gjennom Domstein Salmon. Dei hadde stort lakseslakteri i Florø og kjøpte m.a. fleire store oppdrettsanlegg, mellom desse i Gulestø ved Frøysjøen og eit stort anlegg ved Endal ved Davik. I 2000 gjekk Domstein Salmon inn det Helgeland-baserte i Fjord Seafood, men selde sin aksjepost i 2005 til Marine Harvest, eigd av mangemilliardæren John Fredriksen. Han fekk seinare kontroll også over Pan Fish.

K. Strømmen Lakseoppdrett AS

i Rugsund vart grunnlagt av oppdrettspionéren Kristen Strømmen i 1972 og er største oppdrettsverksemda i Bremanger kommune.

Peder Bakke

Peder Bakke

frå Bremanger starta lakseoppdrett i Smørhamn på i 1969 som ein av dei første i fylket. Etter konkurs starta han på nytt i 1982, og han dreiv også med oppdrett av kveite og piggvar i Svelgen, der ein gjorde seg nytte av oppvarma spillvatn frå verket.

Myrvang-brørne

kom frå Måløy med Håkon i spissen og bygde opp Davik Fiskefarm (sjå Davik Fiskeindustri).

Ålfoten fiskefarm AS

Starta i 1984. Verksemda dreiv produksjon av settefisk og smolt. Konkurs i 2003.

Firda Settefisk avd. Botnane

Norulv Øvrebotten starta i 1985 settefiskanlegg i Botnane. Anlegget vart seinare overteke av Firda Settefisk.

Davik Fiskeindustri

på Davik vart i 2000 ein del av Pan Fish-gruppa, men vart grunnlagt sist på 1970-talet av brørne Håkon og Asbjørn Myrvang frå Måløy under namnet Davik Fiskefarm.

Davik Fiskefarm

- sjå Davik Fiskeindustri.

Norsk Marin Fisk AS

vart skipa på Davik i 1995 av Stig Bakke m.fl. og har spesialisert seg på oppdrett av torsk.

Norsk Marin Yngel

- sjå Norsk Marin Fisk AS.

Grotle Havbeite AS

vart starta i 2006 av Harald Grotle m. fl. Det skal avle opp hummar som vert sett ut som yngel i eit 11 kvadratkilometer stort havområde kring Bremanger. Der skal skaldyret etter planen leve så stasjonært at det let seg hauste etter nokre år i sjøen. Yngelen til havbeiteprosjektet vert klekt i det nedlagde anlegget til Bremanger Fryseri i Iglandsvik.

Les meir om fiskeindustrien i Bremanger.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 28.10.2011