Hopp til innhold
X
Innhald

Kjølsdals-bonde tidleg ute med potetdyrking

Den danskfødde Hans Carsten Atche (1708-1771) som var sokneprest i Lærdal frå 1740 til 1757, var ein av dei første som dyrka potet i Noreg, og mest truleg den første potetdyrkaren på Vestlandet.

Det er også kjent at det var dyrka potet på Munthe-garden i Kroken i Luster i 1765 av Gerhard Christofferson Munthe. Men begge desse var av embets- og overklasseslekter, og det var svært uvanleg at folk frå bondestanden dyrka poteter før ein kom fram på 1840-talet.

Difor er det oppsiktsvekkjande at ein bonde på Kjølsdalen, Sæbjørn Pederson Kjøllesdal (1733-1817) dyrka poteter. I soga vert det nemnt at han kring 1800 let brukaren på garden Bugjerde få ei «styble» full av setjepoteter.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 11.11.2008