Hopp til innhold
X
Innhald

Totland Mek. Verksted

Den første bygningen til Totland Mek. Verksted. Foto: Ove Totland. © Fylkesarkivet.

Den første bygningen til Totland Mek. Verksted. Foto: Ove Totland. © Fylkesarkivet.

Annonse for gjødselspreiaren som Totland produserte.

Annonse for gjødselspreiaren som Totland produserte.

Ingvald Totland. Ukjend fotograf. Eigar: Ove Totland/Fylkesarkivet i Sogn og Fjordane.

Ingvald Totland. Ukjend fotograf. Eigar: Ove Totland/Fylkesarkivet i Sogn og Fjordane.

Totland Mek. Verksted vart grunnlagt i Kalvåg kring 1910 av skipsmekanikar Ingvald Totland frå Bryggja.
Han hadde gått i lære hjå Rasmus Sæternes i Måløy, og dreiv slipp og skipsreparasjonar.

Sonen Ove Totland tok over som leiar i 1956, og verksemda endra namn til Ing. Totland Mek. Verksted. Ove Totland la om til rein industriproduksjon, og verksemda fekk store oppdrag m.a. frå Bremanger Smelteverk og Ankerløkken Verft i Florø.

Frå 1970-talet har verksemda drive produksjon av sjølvløftande dørstokkar, landbruksutstyr m.m. etter eigne patentar. Verkstaden har på det meste gjeve arbeid til 13 personar. Ove Totland la ned verksemda i 2005 og selde industribygget på 1200 kvadratmeter.

Retten til å produsere dei patenterte sjølvløftande dørstokkane vart ført over til Florø-verksemda Vestnes Produkt AS (sjå denne under A/S Ekvator).

Eitt av produkta frå Totland, ein grasfordelar. Foto: Ove Totland. © Fylkesarkivet i Sogn og Fjordane.

Eitt av produkta frå Totland, ein grasfordelar. Foto: Ove Totland. © Fylkesarkivet i Sogn og Fjordane.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 28.04.2010