Hopp til innhold
X
Innhald

Undersjøisk hol mellom Ålfoten og Bortne?

På Vindspollen og Bortnepollen ved Frøysjøen kunne det i eldre tider vere uvanleg godt silde- og torskefiske om vintrane.

Det vert sagt at torsken gjekk så tett inne på pollane at ein ikkje fekk pilken til botnar.

Men også i Førspollen i Ålfoten på austsida av fjella var det godt torskefiske om vintrane - og det underlege var at fisket på Førspollen og i Bortnepollen fall saman i tid. Dette gav opphavet til ei tru på at torsken som seig inn på Bortnepollen kom seg vidare gjennom ein undersjøisk tunnel og symde utatt inne i Førspollen. Segna fortel også om at vottar som fiskarane tapte ute i Bortnepollen, dukka oppatt på fjorden inne i Ålfoten!

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 20.01.2009