Hopp til innhold
X
Innhald

Vikinghovdingane frå Berle

Berlepollen. Foto: Ottar Starheim, NRK.

Berlepollen. Foto: Ottar Starheim, NRK.

På vestsida av Berlepollen like sør for det mektige fjellet Hornelen ligg garden Berle. Her budde det på 800-talet ein mektig hovding som vart kalla Berle-Kåre.

Han er omtala i Egilssoga som ein modig viking og berserk som drog på røvartokter til framande land. Heime hadde Berle-Kåre notlag, og Frøysjøen var på denne tida rik på både sel og kval.

Sønene til Berle-Kåre heitte Olve Nuva og Øyvind Lambe. Begge stod fremst i stamnen på Harald Hårfagre (ca. 865-932) sine skip i det avgjerande slaget om Noregs-samlinga i Hafsrfjord i 885. Etter slaget gjekk begge brørne i kongens teneste: Ola som skald og Øyvind som hirdmann. Dotter til Berle-Kåre heitte Solbjørg. Ho gifta seg med Ulv Bjarveson som seinare fekk tilnamnet Kveldulv. Berle-Kåre og svigersonen Kveldulv kom godt ut av det med kvarandre og var saman både i strid og på fiske, vert det fortalt.

Sonen til Solbjørg og Kveldulv heitte Torolv. Han kom på kant med kongen og vart drepen. Faren Kveldulv hemna drapet på sonen med å drepe kring 50 av kongens menn, men måtte etter dette rømme til Island for ikkje å verte drepen sjølv. Der vart han stamfar til Borgarfjords-ætta.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 05.05.2010