Hopp til innhold
X
Innhald

Eid Installasjonsforretning

Forretningsbygget til Oscar Gjerde. Foto: Ottar Starheim, NRK.

Forretningsbygget til Oscar Gjerde. Foto: Ottar Starheim, NRK.

Eid Installasjonsforretning på Nordfjordeid vart starta i 1925 av Oscar Gjerde. Dette var ei av dei første verksemdene i sitt slag i fylket, og ei av dei største i Nordfjord.

Gjerde heldt i mange år til i den gamle Boalth-løa på garden Gjerde, men bygde i 1967 eige forretningsbygg med elektroforretning ved noverande E39 like ved rådhuset.

Jetmund Englund overtok verksemda, og idag er det sonen Ole Johan Englund som er dagleg leiar av Gjerde Elektroservice. I 1981 vart installasjonsavdelinga utskild som Eid Elektro A/S. Eid Elektro hadde 30 tilsette i 2010, og ei omsetning på 38 millionar kroner.

I 2012 kjøpte Eid Elektro Bergens-firmaet Tavlebygger1 som etter det fekk namnet Eid Elektro avdeling Bergen. Eid Elektro har til saman 38 tilsette etter oppkjøpet.

I 2014 kjøpte Eid Elektro seg inn i og vart største eigaren i Nordvest Elektro Drifta AS i Volda.

I 2014 hadde talet på tilsette auka til 60, av desse 46 på Nordfjordeid. Omsetninga i 2013 var på vel 65 millionar kroner. Eid Elektro held i dag til i eit næringsbygg i Øyane, i 2014 er det planar om å utvide dette. Bygging av elektriske tavler utgjer 2/3 av omsetninga.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.06.2015