Hopp til innhold
X
Innhald

Fluor-Lux A/S

Fluor-Lux A/S vart grunnlagt i 1948 på Nordfjordeid under firmanamn Kjøsnes og Sundal AS, med Sigmund Kjøsnes som dagleg leiar.

Firmaet dreiv først ei sportsforretning, men Sigmund Kjøsnes starta etter ei tid produksjon av sjølvlysande fiskereidskap. Dei sjølvlysande eigenskapane i plastmaterialet som han nytta var hans eiga oppfinning. Produksjonen heldt til i Wiese-løa (sjå artikkelen: Storgarden Gjerde) under firmanamnet Fluor Lux AS.

Då Eid kommune etter Kjøsnes si meining ikkje stilte seg velvillige til utviding av Fluor-Lux på Nordfjordeid, flytta han i 1967 produksjonen til det nedlagde Hotell Central i Stryn, og seinare over i kommunale industribygg på Tonningleirane. I Stryn voks Fluor-Lux til ei suksessrik bedrift med 11 tilsette i 2007.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 26.01.2011