Hopp til innhold
X
Innhald

Martin Andersen

Bakeridrifta til M. Andersen vart lagd ned på 1970-talet. No er det m.a. frisørsalong i huset. Foto: Ottar Starheim, NRK.

Bakeridrifta til M. Andersen vart lagd ned på 1970-talet. No er det m.a. frisørsalong i huset. Foto: Ottar Starheim, NRK.

Martin Andersen - på folkemunne kalla Hundvikebakaren - starta som bakar på Nordfjordeid i 1901.

Han leigde dei første åra eit bakeri etter Anne I. Naustdal – kalla Bakar-Anne. Det var truleg første ektemannen til Anne, ein bakar Monsen frå Bergen, som først starta bakeri på Nordfjordeid ein gong på 1850-talet. Bakar-Anne dreiv også landhandel i bygget fram til 1894, då handelen vart leigd bort til Paul Skibenes og Rasmus Os. På 1930-talet bygde Halvdan Faleide ny forretningsgard på bakeritomta ved Eidsgata.

I 1909 bygde bakar Martin Andersen ein stor forretningsgard lengre sør i Eidsgata. Sønene Alf og Mikal Andersen tok over som eigarar i 1950, og bakeriet var i drift til 1970-talet, og lokala har sidan m.a. husa klesforretning og frisørsalong. Dei to brørne Andersen var dyktige amatørmusikarar og kjende som drivande krefter i Eid Orkesterfortening.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 29.03.2011