Faktaboks

Sveinung Rotevatn
Fødd
15. mai 1987, Bergen
Sveinung Rotevatn
Av /Fotovisjon.

Sveinung Rotevatn er ein norsk politikar for Venstre som 2020–2021 var klima- og miljøminister i regjeringa Solberg. Frå 2018 til 2020 var han statssekretær i Klima- og miljødepartementet under statsråd Ola Elvestuen. Han var stortingsrepresentant i 2013–2017 og sidan 2021.

Rotevatn er frå 2020 1. nestleiar i Venstre. Han erklærte seg som leiarkandidat, men valkomiteen og landsmøtet føretrekte Guri Melby som leiar og Rotevatn som nestleiar saman med Abid Raja.

Rotevatn var leiar i Unge Venstre i 2010–2013, og før dette sentralstyremedlem i Unge Venstre 2008–2009 og første nestleiar 2009–2010. Han var medlem av Eid kommunestyre frå 2011 til 2015.

Rotevatn var stortingsrepresentant for Sogn og Fjordane i perioden 2013–2017, valt inn på utjamningsmandat. Han mista mandatet ved valet i 2017. Frå 2021 er han stortingerepresentant for Hordaland, også der valt inn på utjamningsmandat. Frå januar til oktober 2018 var han statssekretær i Justis- og beredskapsdepartementet.

Rotevatn har mastergrad i rettsvitskap frå Universitetet i Bergen frå 2018.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg