Hopp til innhold
X
Innhald

Vetane på Hundeidsfjellet og ved Heggjabygda

Veten på Hundeidsfjellet til venstre i biletet. Foto: Ottar Starheim, NRK.

Veten på Hundeidsfjellet til venstre i biletet. Foto: Ottar Starheim, NRK.

Det gamle vetesystemet med tenning av eld for varsling av krig og ufred gjekk frå kysten og innetter Nordfjord. I Eid kommune er det Taklo-veten på Hundeidsfjellet som er mest kjend.

Frå Taklo-veten delte vetevarslinga seg innetter i tre liner: Den nordlege gjekk frå Taklo-veten til Åsebønakken ved Heggjabygda og vidare til Ytrehornsnakken i Hornindal.

Den midtre varslingslina gjekk frå Taklo-veten til Dimma, derfrå til Ulvedal ved Blakset (sjå Ulvedals-veten og vetestova), Vinsrygg i Stryn, Auflemfjellet i Olden og Skor i Oppstryn.

Den sørlege lina gjekk frå Taklo-veten til Vetehornet i Breim, og derfrå til ein vete på Sørstranda i Gloppen.

Les elles meir om vetane i Nordfjord under Vågsøy kommune og artikkelen: Det gamle vetesystemet i Nordfjord.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 16.02.2011