Hopp til innhold
X
Innhald

Georg Storaker

I dette huset  dreiv Georg Storaker og seinare sonen Håkon handel. Foto: Ottar Starheim, NRK.

I dette huset dreiv Georg Storaker og seinare sonen Håkon handel. Foto: Ottar Starheim, NRK.

Georg Storaker starta i 1907 landhandel med eige forretningsbygg i Flekke. Nokre år tidlegare hadde faren Hans Storaker flytta frå Storakersundet i Hyllestad og starta ein landhandel i ein kjellar på Hustveit i Flekke.

Storaker-slekta Flekke er den same som dreiv trelastfirmaet A & G. Storaker ved Storakersundet. Georg bygde også sag på Neset ved utløpet til Flekkeelva. Tømmeret vart på den tida fløyta ned vassdraget. Sonen Håkon Storaker og kona Kirsten tok over butikken i 1952 og dreiv til 1990, då Åge Ness overtok.

Sagbruket som Storaker dreiv fram til 1995 på kaia i Flekke. Foto: Ottar Starheim, NRK.

Sagbruket som Storaker dreiv fram til 1995 på kaia i Flekke. Foto: Ottar Starheim, NRK.

Flekketunet

Under utviklinga av Hauglandsenteret og United World College på 1990-talet, vart det lagt planar for eit kombinert handels- og servicesenter i Flekke - Flekketunet - som m.a. skulle ha post, rutebilstasjon og butikk. Åge Ness gjekk inn i Flekketun-prosjektet, men gjekk konkurs i 2002. Frå 2002 er det Frank Igelkjøn som har drive butikken.

Sonen dreiv sagbruk

Håkon Storaker dreiv sagbruket ved Flekkeelva fram til 1995. Onkelen Albert Storaker satsa på fraktefart med skuta « Utstein» frå 1920 til 1939, og etter krigen og fram til 1967 med frakteskuta « Hanna I».

Butikken i Flekketunet. Foto: Ottar Starheim, NRK.

Butikken i Flekketunet. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 12.10.2010