Hopp til innhold
X
Innhald

A. Haave AS

A. Haaves notbøteri. Foto: Kåre Botnmark. Eigar: Vest Foto/Fylkesarkivet i Sogn og Fjordane.

A. Haaves notbøteri. Foto: Kåre Botnmark. Eigar: Vest Foto/Fylkesarkivet i Sogn og Fjordane.

Abraham Haave starta 1892 som forretningsmann i Florø, og tok m.a. til med eksport av sild og fisk.

Han bygde den kjende Haave-bua i sentrum, kjøpte fiskedampskipet «Kinn» i 1894, og hadde forretningar i Brønnøysund og på Island. I tida frå 1899 til 1903 var han medeigar i fleire havgåande fiskedampskip. – Les meir om dette under Fiskerihistoria, artikkelen Ny oppgangstid i sildefisket.

Han var medskipar av Fjordenes Kreditbank 1902, og medeigar i Florø Sildoljefabrikk, grunnlagt 1910 (Sjå Sildoljefabrikkane.) Abraham Haave var den første i Florø som installerte gassbelysning i eigedomane sine då han i 1903 kjøpte eit lite acetylgassverk som gav lys til både sjøbu og privathus.

Haavebua er bygd om til konferansesenter for Quality Hotel Florø. Foto: Ottar Starheim, NRK.

Haavebua er bygd om til konferansesenter for Quality Hotel Florø. Foto: Ottar Starheim, NRK.

Første fryseriet i fylket

A. Haave A/S bygde også Florø Fryseri i 1930. Dette var det første skikkelege fryseriet i fylket, og det einaste mellom Bergen og Stavanger (Bergens Kjøleanlegg vart bygd like etter Florø Fryseri). Fryseriet i Florø hadde kapasitet på 2400 kassar frosen sild i døgeret og sysselsette mellom 40 og 50 personar då det var nytt. I 1931 leverte fryseriet 25.000 kassar frosen sild, men ismangel og mangel på eige kjøleanlegg gjorde at produksjonen gjekk mykje ned seinare på 1930-talet.

Haavehuset. Foto: Ottar Starheim, NRK.

Haavehuset. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 12.05.2010