Hopp til innhold
X
Innhald

Flora Samfunnshus

Flora Samfunnshus. Foto: Ottar Starheim, NRK.

Flora Samfunnshus. Foto: Ottar Starheim, NRK.

Flora Samfunnshus vart opna i 1979 og huser m.a. kino, bibliotek, ulike forsamlingslokale, og brannstasjon i underetasjen.

Skulptur ved Flora Samfunnshus, laga av Svein Christensen. Foto: Ottar Starheim, NRK.

Skulptur ved Flora Samfunnshus, laga av Svein Christensen. Foto: Ottar Starheim, NRK.

Huset er teikna av arkitekt Kjell Colbjørnsen, Oslo. Bygget er reist midt i sentrum der tunet til gamle Flora gard låg. Huset og parken er m.a. prydde med bilete og skulpturar av Bjørn Hegranes og Svein Christensen.

Folkebiblioteket

i samfunnshuset har historia tilbake til 1880-åra, då det lokale øl- og vinutsalet, Florø Samlag, gav midlar till innkjøp av bøker. Biblioteket på 2000 bind strauk med då folkeskulen brann i 1918. I dag er samlinga på over 50.000 bøker.

Kommunal kinodrift

starta i Florø i 1922, etter at det i mange år vart drive privat kinodrift i Ungdoms- og idrettshuset Fram. Under leiing av kinosjef Renate Svardal frå 1976, har kinoen i Florø vore ein av dei fremste og nyskapande kulturinstitusjonane av dette slaget i fylket.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.06.2010