Hopp til innhold
X
Innhald

Hans Svane

Hans Svane (1606-1668) erkebiskop i København, fødd i Horsens i Danmark. Eigar av Svanøy-godset 1662-1668.

Hans Svane (1606-1668) erkebiskop i København, fødd i Horsens i Danmark. Eigar av Svanøy-godset 1662-1668.

Var ein av dei mektigaste og rikaste menn i det dansk-norske kongeriket på 1600-talet. Han vert av mange samanlikna med den franske kardinal Richelieu: Velutdanna og intelligent, med stor sans for maktspel, og dessutan rikt gift - med Marie Fiuren Svane. Han var medlem av statskollegiet, vart statsråd og assessor i Høgsterett, seinare erkebiskop i København. Lånte kong Fredrik den III store pengesummar til krigføring, og som oppgjer for gjeld, fekk Svane i 1662 storgarden på Svanøy og 339 andre gardar i Sunnfjord frå kongen.

Erkebiskop Svane var med prins Christian (seinare kong Christian V) på ei ferd til Norge i 1661, men var ikkje sjølv til Sunnfjord og Bru. Då biskop Svane døydde, fekk enkja Marie Fiuren kong Christian V til å gjere godset til adeleg setegard i 1685 , og fekk endra namnet frå Bru til Svanøy.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 04.03.2008