Hopp til innhold
X
Innhald

Ytre Fjordane Kraftlag - YFK

Administrasjonsbygget til YFK, no SFE. Foto: Ottar Starheim, NRK.

Administrasjonsbygget til YFK, no SFE. Foto: Ottar Starheim, NRK.

I 1922 overtok Ålfotselskapet (sjå "Ålfotsaka") kraftforsyninga til Florø, og byen vart administrasjonsstad for selskapet.

Då Ålfotselskapet gjekk over ende, vart eignelutane delte mellom fylket og eigarkommunane: Fylket fekk fallrettane i Ålfoten. Kommunane overtok leidningsnettet i Nordfjord og Sunnfjord, og skipa i 1936 Ytre Fjordane Kraftlag. Dette selskapet hadde til samanslåinga med SFE i 2002 administrasjonsstad i Florø, og hadde straumforsyninga til kystkommunane frå og med Askvoll til og med Selje.

Fram til 2. verdskrig dekte YFK straumbehovet frå mindre kraftverk i Selje og Askvoll. I 1947 gjekk selskapet inn som største aksjonær (28 %) i Firdakraft, som bygde ut Yksenelvane i Nordfjord i 1953.

Inn i SFE

I 2002 vart Ytre Fjordane Kraftlag kjøpt opp av SFE – Sogn og Fjordane Energi AS. SFE har hovudkontor på Sandane, men Florø fekk halde oppe ei avdeling av det fusjonerte selskapet.

Driftsstyrarar i YFK:

  • P. Aug. Hysing 1922-1947
  • H.C. Hansen 1947-1958
  • Kristian Riste 1958-1991
  • R. Berg-Rollnes 1991-1993
  • Odd Nes 1993-2001
Frå 2001 har Ole Schanke Eikum vore konsernsjef for SFE.

Les meir om: Kraftforsyninga i Flora

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 31.10.2011