Sogn og Fjordane Husstellskule
Husstellskulebygningen frå 1957 husar i 2010 kulturavdelinga til fylkeskommunen. Foto: Kjell Arvid Stølen, NRK.
Husmorskulen i Førde, som det heitte den gongen, vart starta i 1947. Skulen starta opp i Sivertsens Hotell på Skorpa - sjå Sivertsens Hotell i Førde - og var eit framhald av ein husmorskule som hadde starta i Alværa i Lavik i 1922. Husmorskulen flytta inn i nybygg på Prestebøen i 1957.
Kongemiddag
I 1958 husa skulen festmiddagen som fylket heldt for Kong Olav V i samband med rundreisa hans i fylket ved 100-årsjubileet til Fylkesbaatane.
Kong Olav et middag på husmorskulen i 1958.
Elevane ved skulen serverte, og kongen takka for maten slik det framleis høvde seg på 1950-talet: Han roste jentene som lovande hustruemne og mødre!
Ved skulen fekk elevane m.a. opplæring i barnestell, der dei kunne øve seg på nyfødde som seinare skulle adopterast bort. Husstellfagskulen vart 1994 slått saman med yrkesskulen (sjå Førde Metallfagskule) og samla i nybygg på indre Øyrane.
Kulturetaten i Sogn og Fjordane fylkeskommune, og Sogn og Fjordane kunstmuseum held til i dei gamle bygningane.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.
Sist oppdatert: 24.11.2010