Hopp til innhold
X
Innhald

Telegraf og telefon i Førde

(Sjå Den Trondhjemske Postvei i Gaular).

I 1866 vart det bygt telegrafline frå Postvåg ved Fensfjorden i Gulen til Rutledal ved Sognefjorden. Derfrå vart det lagt sjøkabel over Sognefjorden til Leirvik. Frå Leirvik fylgde telegraflina same trasé som Den Trondhjemske Postvei til Førde.

(Sjå Den Trondhjemske Postvei i Gaular).

Tanken var å byggje telegraflina vidare til Ålesund, men den stoppa i Førde. Her vart det strekt telegrafline til Florø, slik at «fiskeritelegrafen» mellom Florø og fiskeværa omkring fekk samband til landsnettet. (Sjå Fiskeritelegrafen varsla sild) I 1869 vart det bygt telegrafline sørover frå Ålesund som knytte til Måløy og Kalvåg.

Telegrafstasjon i Førde

Førde fekk eigen telegrafstasjon i 1875 med Agnes Bader (1835-1909) som styrar. I 1893 telefonstasjon, og i 1902 fekk både Førde og Holsen rikstelefon.

Til inste Haukedalen kom telefonen i 1919, og til inste Angedalen i 1927. Telefonsentralen i Førde heldt i mange år til i «Gamlebanken», og flytta til Førde Sport-bygget i 1955.

Mykje av teleadministrasjonen i fylket vart etterkvart samla i Førde, og fylket vart eige teleområde - Førde teleområde - i 1975. I 1993 vart Sogn og Fjordane nedlagt som eige teleområde og slege saman med Bergen/Hordaland i Bjørgvin teledistrikt med hovudsete i Bergen. Dette førde til sterk nedbemanning i Førde.

Telesjefar 1975-1993 var Håkon Flåten, Rolf Køste og Kåre Sundquist. Hovudsendaren for radio og fjernsyn på Hafstadfjellet (706 m.o.h.) vart bygd i 1958.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.05.2008