Hopp til innhold
X
Innhald

Bygstad Meieri

Olav Lien bygde mellom anna Bygstad Meieri saman med Andreas Hjelmeland. Dette biletet tok Hans O. Njøsen under bygginga i 1951. © Fylkesarkivet.

Olav Lien bygde mellom anna Bygstad Meieri saman med Andreas Hjelmeland. Dette biletet tok Hans O. Njøsen under bygginga i 1951. © Fylkesarkivet.

Bygstad Meieri vart skipa i 1948 som eit aksjelag for mjølkeprodusentar i Gaular og Dale og Guddalen i Fjaler kommune.

Då det nye stormeieriet i Bygstad kom i drift i 1952, vart dei lokale bygdemeieria i Gaular lagde ned. I 1957 bygde Bygstad Meieri ein såkalla «skummestasjon» i Dale. Denne utvikla seg i praksis til eit sjølvstendig meieri som ei tid hadde stor smørproduksjon.

Bergensmeieriet tok over Bygstad Meieri i 1966. Bergensmeieriet hadde også meieri i Askvoll. Seinare gjekk Bergensmeieriet inn i Tine Meieriet Vest, men vart lagt ned like etter at Tine Meieriet Vest i 1996 bygde stormeieri på Byrkjelo som tok unna all mjølkeproduksjonen for den nordlege luten av Vestlandet.

På det meste hadde meieriet i Bygstad kring 35 tilsette.

Bygningane til tidlegare Bergensmeieriet i 2006. Foto: Ottar Starheim, NRK.

Bygningane til tidlegare Bergensmeieriet i 2006. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 17.09.2010