Hopp til innhold
X
Innhald

Stotaren på Årlid

På garden Årlid ved Viksdalsvatnet budde ein gong i tida ein stotar. Yrket vart også kalla stoderfoged, men er betre kjend som bygdevektar. Ordninga skriv seg frå 1500-talet, og varde heilt fram til slutten av 1800-talet.

Bygdevektaren, eller stotaren, var ein slags lensmannsdreng som hadde til oppgåve å halde tiggarar og rekarfant borte frå bygda. Oftast løyste stotaren oppgåva med å jage slike folk over i grannbygda - og slik vart fattigfolk hundsa rundt frå bygd til bygd.

Stotaren hadde ein spesiell stav med piggar på til hjelp i arbeidet med å skreme folk. I 1701 er det kjend at stotaren Ola Jonsson budde i Årlid.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 28.11.2008