Hopp til innhold
X
Innhald

Brekke-kvinne drepen av bjørn?

Ei segn fortel om ei svanger kvinne frå Brekke som midt på 1800-talet miste livet etter åtak av bjørn.

Soga vil ha det til at bjørnen gjekk til åtak då kvinna var på veg ned frå stølen. Han slo henne i svime og tok til å grave ei grop for å løyne byttet. Men kona vakna, la att ei trøye på ein stein og la på sprang heimover. Der kom ei anna kone til hjelp med ein ljå og fekk jaga udyret bort. Men den svangre kona døydde ei stund etter at skadane ho fekk i basketaket med bjørnen.

Nærmare omstende kring segna er ikkje kjende, og dette kan såleis vere ei såkalla «vandresegn» som fortel om svangre kvinner som har vorte jaga av bjørn. Liknande segner kjenner vi også frå Ålfoten i Bremanger og frå Vik. – Les meir om dette i eigne artiklar under Bremanger kommune og Vik kommune.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 06.04.2009