Hopp til innhold
X
Innhald

Eivindvik-prosten kjøper skjenkestaden

Skjerjehamn i 2007. Foto: Merete Husmo Høidal, NRK.

Skjerjehamn i 2007. Foto: Merete Husmo Høidal, NRK.

I 1804 vart Niels Griis Alstrup Dahl sokneprest i Eivindvik. Han vart seinare prost og ein av dei mest kjende folkeopplysningsmennene i landet på den tida. Det var denne mannen som Henrik Wergeland skreiv kunne få «Brød af Steen og Aand af Striler»!

(Sjå: Diktet 'Eivindvig' av Henrik Wergeland)

Skjerjehamn i 2007. Foto: Merete Husmo Høidal, NRK.

Skjerjehamn i 2007. Foto: Merete Husmo Høidal, NRK.

Ei av dei fremste kampsakene for Dahl, var å få bukt med brennvinshandel og misbruk av rusdrykk. For å få slutt på både gaukehandelen kring kyrkja i Eivindvik og alt som fylgde med brennevinsbula i Skjerjehamn, kjøpte Dahl like godt heile staden i 1840, slik han også hadde gjort då han kjøpte Lovisendal i Brekke i 1827.

Fekk selje brennevin på vilkår

Nathaniel Ross fekk likevel drive garden i Skjerjehamn vidare etter handelen med presten. I 1847 kjøpte Ross Skjerjehamn tilbake frå prost Dahl, men måtte love at han slutta å selje brennevin til bygdefolk, berre til reisande.

I 1854 tok sonen Gabriel Nathanaelsson Ross over og dreiv til han reiste til sjøs i 1861, då målarmeister Wilhelm Schreuder frå Bergen kjøpte Skjerjehamn. No gjekk staden inn i ein glansperiode.

Les også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.07.2010