Hopp til innhold
X
Innhald

Ove Unneland og Pan Fish

Oppdrettsanlegget som Ove Unneland og Asbjørn Tunsberg starta i 1982. Foto: Merete Husmo Høidal, NRK.

Oppdrettsanlegget som Ove Unneland og Asbjørn Tunsberg starta i 1982. Foto: Merete Husmo Høidal, NRK.

Asbjørn Tunsberg og Ove Unneland starta lakseoppdrett på Tunsberg ved Ånnelandsundet i 1982. I 1988 skilde dei lag: Asbjørn Tunsberg tok over heile anlegget ved Ånnelandsundet, medan Ove Unneland kjøpte eit oppdrettsanlegg på Risnes i Masfjorden.

I kriseåra tidleg på 1990-talet, kjøpte Ove Unneland ei mengd oppdrettsanlegg: I Gulen var det Kokksøylaks, Dingja Fiskeoppdrett, Uthaug Fisk oppdrettsanlegg og Randal Fiskeoppdrett.

Gulengruppen

I Solund fekk han kontroll over tre konsesjonar på to oppdrettsanlegg, og i Hyllestad eitt anlegg. Alt dette vart samla i det som vart kalla Gulengruppen, der Rolf Olsen Havbruk AS på Askøy tok over ein halvpart frå Ove Unneland i 1997. I 1999 selde så Unneland den andre halvparten til Rolf Olsen Havbruk AS, som i 2000 selde vidare til Pan Fish Asbjørn Tunsberg på si side selde etter nokre år anlegget sitt ved Ånnelandsundet til Stolt Nielsen-selskapet Stolt Seafarms AS, som seinare selde til Ola Braanaas sitt selskap Firda Sjøfarmer AS.

Les også om:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 28.07.2010