Hopp til innhold
X
Innhald

Skulen i Brekke-området

Lovisendal var skule frå 1825 til 1853. Foto: Ottar Starheim, NRK

Lovisendal var skule frå 1825 til 1853. Foto: Ottar Starheim, NRK

Den gamle offisers- og sorenskrivargarden Lovisendal vart i 1825 kjøpt av Brekke soknekommune etter opptak frå prost Niels Griis Alstrup Dahl. Lovisendal vart innreia til skule for ungane i Brekke og bygdene kring Instefjorden. På Lovisendal var det to lærarar.

Skulen flytta til garden Nedre Haugland i 1853, der Lasse Ellingsen bygde skulehus med lærarbustad. Krinsane i Oppedal, Instefjord og Kringla/Ynnesdal fekk omgangslærar frå same tid.

I 1906 vart skulehuset på Nedre Haugland seld og erstatta med eit nytt og større skulehus på Øvre Haugland. Brekke fekk framhaldsskule i 1910.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 06.05.2009