Hopp til innhold
X
Innhald

Elegante Møbler og Ekornes

Ekornes Grodås. Foto: Ottar Starheim, NRK

Ekornes Grodås. Foto: Ottar Starheim, NRK

Elegante Møbler A/S med Jakob Hanken frå Vegsund ved Ålesund som eigar, etablerte seg i industriutleigebygget på Grodås i 1974. I det same bygget heldt Tekno Fabrikker A/S.

Ekornes Grodås

I 1976 trekte Hanken seg ut av engasjementet sitt i Hornindal, og Ekornes-gruppa tok over med underavdelinga Ekornes Grodås AS, der det blir laga delar til Ekornes-møblar. Ekornes har sidan utvida med eigne fabrikkbygg og lager på Grodås.

Frå produksjonen på Ekornes Grodås. Foto: Ole Andre Rekkedal, NRK.

Frå produksjonen på Ekornes Grodås. Foto: Ole Andre Rekkedal, NRK.

I 2004 hadde verksemda 94 tilsette, og investerte same året 21 millionar kroner i ny produksjonshall. Ekornes er den klart største arbeidsplassen i kommunen.

Dei siste åra har verksemda satsa mykje på robotar i produksjonen for å stå imot konkurransen frå lågkostland. I 2012 vart produksjonshallen utvida.

Robotar har etter kvart teke over mange av arbeidsoppgåvene. Foto: Ole Andre Rekkedal, NRK.

Robotar har etter kvart teke over mange av arbeidsoppgåvene. Foto: Ole Andre Rekkedal, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 08.06.2012