Hopp til innhold
X
Innhald

Einar Ramsli

Einar Ramsli (1872-1960) frå Kyrkjebø. Ingeniør og fossekjøpar. Utdanna oppmålingsingeniør ved høgskulen i Berlin.

Målte saman med ein kollega Christensen opp energimengdene i vassdrag kring Vadheim og Høyanger. Saman med Bergensarkitekten Sigurd Lunde skipa han selskapet Lunde & Ramsli og kjøpte i 1899 fallrettane i fleire vassdrag mellom Høyanger og Vadheim. M.a. kjøpte dei fallrettane i Hålandselva og Hjetlandselva i Høyanger, og tomteland til fabrikk ved fjorden.

I 1902 selde Lunde & Ramsli fallrettane til sakførar Chr. Ameln i Bergen, som seinare selde dei vidare til konsul Harald Larsen frå Oslo. Einar Ramsli var son til lensmann Lars Ramsli på Kyrkjebø, der han tok over farsgarden. Han mislukkast med å verte lensmann etter faren, og tok seinare arbeid i hallane i Høyanger. Einar Ramsli har fått ei gate oppkalla etter seg i Høyanger.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 03.03.2008