Hopp til innhold
X
Innhald

Endre Trædal landhandel

Tidlegare Trædals Hotell. Foto: Ottar Starheim, NRK.

Tidlegare Trædals Hotell. Foto: Ottar Starheim, NRK.

Endre Trædal starta i 1894 landhandel i Vadheim. I 1909 selde han butikken til Christian Vik og bygde Trædals Hotell. Trædal og ektemaken Malena var også postopnarar i Vadheim. Endre Trædal var medskipar og banksjef i Vadheim Privatbank.

Trædals Hotell gjekk seinare over til å verte Trædals Pensjonat, som dottera Valborg Trædal dreiv med hjelp frå søstera Anna. Etter ombygging fekk pensjonatet 25 senger. Anna hadde i tillegg postkontoret som heldt til i eit lite bygg ved sida av hotellet.

I dette vesle bygget starta fotografen Chr. Ramsli og ektemaken Malene ein kafé. Kaféen vart driven til slutten 1980-talet av den siste eigaren Anna Frivik. Ei tid var det også ein liten landhandel i bygget.

I dette vesle huset hadde Christian Ramsli fotoatelier og kafé. Foto: Ottar Starheim, NRK.

I dette vesle huset hadde Christian Ramsli fotoatelier og kafé. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 18.11.2009