Hopp til innhold
X
Innhald

Hans Hygen

Hans Fredrik Hygen (1884-1975) frå Oslo, busett i Høyanger. Direktør ved NACO, Høyanger verk frå 1921 til 1955.

Hans Fredrik Hygen (1884-1975) frå Oslo, busett i Høyanger. Direktør ved NACO, Høyanger verk frå 1921 til 1955.

Hygen var utdanna ingeniør frå høgskular i Oslo og Dresden, og vart ein av dei norske ingeniørane i krinsen kring dei store industri- og kraftutbyggjarane som Sam Eyde, Ragnvald Blakstad , dr. Emil Collett og Sigurd Kloumann.

Hygen arbeidde i United States Steel Corp. 1902-1911 og ved Notodden Salpeterfabrikk 1911-1912. Frå 1912 til 1921 var han direktør i DNNs fabrikkar i Tyssedal og Eydehavn. I Tyssedal både planla og leia han utbygginga av aluminiumsfabrikken og kraftanlegga i 1916, eit anlegg der det arbeidde opptil 700 mann på det meste.

Hygen avløyste i 1921 den første verksdirektøren i Høyanger, Johan Mürer. Hygen var sterkt engasjert i utbygginga av Høyanger-samfunnet, m.a. med Folkets Hus, sjukehus, idrettsanlegg o.s.b. Han var mangeårig leiar av KNA (Kongelig Norsk Automobilforbund) i Sogn og Fjordane. Hygen har fått ei gate oppkalla etter seg i Høyanger. Tildelt Kongens fortenestemedalje i gull.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 20.11.2009