I oppbyggingsåra vart Høyanger flittig vitja av emissærar frå ulike trussamfunn.
Th. Gunnarson, som var prost i Sogn kring 1930, fortel at .........” Høyanger hev hatt trottug vitjing av dei sekter som vil byggje tusenårsriket: Russelistane eller bibelstudentane som dei sjølve kallar seg, og so ”Efraim og Manasse sønner og døtre”. ........" Båe desse samfund soknar til den religiøse kommunisme, dei fiskar i låke tider og i den sterke arbeidarrøsla”...........”Dissentarane elles er sovjet-internasjonalistar, sjuandedagsadventistar, jarlsbergianarar (Hans Nielsen Hauges Venner) og venteleg fleire. Høyanger-dissentarane er mest alle innflytjarar.” I 1930 var det i Kyrkjebø sokn i alt 27 personar som ikkje stod i statskyrkja, dei fleste i Høyanger.