Hopp til innhold
X
Innhald

Jonas Løland

Jonas Løland.

Jonas Løland.

Jonas Løland (1877-1960) frå Løland. Smed og grunnleggjar av Løland Motorverkstad i Leirvik. Sjå Hjørnesteinsverksemda Løland Verft.


Jonas Løland arbeidde som ung m.a. på anlegg på Rjukan og i Årdal. Han kjøpte saman med Lasse Ness ein eigedom ved fossen i Bøelva og starta smedverkstad. Ei tid dreiv dei også tønneproduksjon.

Starta med trillebårer

Frå 1918 dreiv Jonas åleine, og produserte m.a. trillebårer og turbinar til småkraftverk. I 1918 bygde Løland slipp og starta vedlikehald av fiskebåtar og reparasjon av motorar. I åra kring andre verdskrig var vassturbinar og utstyr til småkraftverk det viktigaste produktet. Første båten - Loftesnesferja på 15 meter - vart bygd i 1938. Seinare utvikla verksemda seg til eit reint skipsverft.

Største arbeidsplassen i ytre Sogn

Løland Verft vart den den største arbeidsplassen i Sogn vest for Høyanger. Etter konkurs og ein mellomperiode som Kleven-Løland, fekk verftet i 2001 namnet Havyard Leirvik.

Familieverksemd

Jonas Løland sine søner Anton (1903-1976), Nils (1904-1979), Harald (1905-1927), Johannes (1907-1939), August (1912-1997) og Magnus (1919-1994) arbeidde alle ved verksemda. Sjølv arbeidde Jonas i verksemda til 1955. Jonas Løland vart tildelt Kongens fortenestemedalje i 1956.

I 1956 fekk Jonas Løland Kongens fortenestemedalje i sølv for livsverket sitt. Overrekkinga skjedde i stova heime hjå han og kona Gjøa. Til venstre Anton Løland, til høgre fylkesmann Nikolai Schei. Foto: Magnus Løland. © Fylkesarkivet.

I 1956 fekk Jonas Løland Kongens fortenestemedalje i sølv for livsverket sitt. Overrekkinga skjedde i stova heime hjå han og kona Gjøa. Til venstre Anton Løland, til høgre fylkesmann Nikolai Schei. Foto: Magnus Løland. © Fylkesarkivet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.


Sist oppdatert: 01.11.2011