Hopp til innhold
X
Innhald

Theodor Bernhoft Osa

Theodor Bernhoft Osa (1904-1986). Fødd i Kristiansand, seinare busett i Bergen og i Hyllestad. Radioreporter, og ein av pionerane i Norsk Rikskringkasting.

Son til kunstmålar Lars Osa og bror til meisterspelemannen Sigbjørn Bernhoft Osa. Han var den første NRK-reporteren på Vestlandet og ein av dei første som nytta nynorsk i reportasjane.

Osa var nestleiar ved NRK-avdelinga i Bergen fram til 1956. Då han søkte den ledige leiarstillinga, valde NRK-styret bokmålsmannen Frank Meidell Falck i staden. Målfolket protesterte, og saka kom heilt til Stortinget. Theodor Bernhoft Osa sa like etter opp i NRK, og kjøpte i 1958 den einbølte garden Lonebotnen ved Leirvik.

- I Fylkesleksikonet kan du m.a. høyre Bernhoft Osa som reporter ved bygging av Flåmsbana i 1936.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 28.03.2008