Hopp til innhold
X
Innhald

Idrettsanlegg og stemne i Jølster

Skei stadion

Dei største idrettsanlegga i Jølster er idrettsbanene på Skei og Vassenden, hoppbakken Bjørnabakken i Årdal (bygd 1959), Jølster Skisenter og hoppbakken i Bjørkelia ved Vassenden, og Sunnfjord Golfklubb ved Vassenden. Kringom i kommunen er det bygd ei mengd lysløyper.

Skei stadion

ved sentralskulen på Skei vart teken i bruk i 1963. Anlegget fekk ei ekstra treningsbane i 1988, og hovudbana fekk løpebane og grasdekke på fotballbana i 1989. Skjold stadion i Årdal vart teke i bruk i 1968. Bjørkelia stadion ved Vassenden stod ferdig i 1999.

Jølster Maraton

Idrettslaga i Jølster har m.a. vore tilskipar av Jølsterstafetten sidan 1950-talet og Jølster Maraton sidan 1983 med heil- og halvmaraton Jølstravatnet rundt.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 02.01.2011