Hopp til innhold
X
Innhald

Nielsens Hotell

I dag heiter verksemda Jølster Hotell. Foto: Ottar Starheim, NRK.

I dag heiter verksemda Jølster Hotell. Foto: Ottar Starheim, NRK.

Nielsens Hotell (no Jølster hotell) på Vassenden vart bygt i 1888 av Nikolai Nilsen Vassenden, son av handelsmann Nils Olsson, som kom frå indre Årdal.

På Vassenden hadde det vore skyss-skifte og gjestgiveri heilt frå tidleg 1700-tal. Nielsens Hotell hadde tre etasjar, og var bygt i staseleg sveitsarstil. Nilsen var også engasjert i meieridrift på Vassenden.

Vassenden Hotell

Anfinn Nilsen fødd 1898 overtok drifta etter faren Nikolai, og var hotellvert og postopnar fram til sin død i 1940. Då gjekk hotellet over til Anfinns syskenbarn Kristian A. Støfring (1902–1965). Hotellet skifta då namn til Vassenden Hotell.

Nielsens Hotell på eit postkort ca. 1910. Foto: PP, eigar Sunnfjord Museum/Fylkesarkivet i Sogn og Fjordane.

Nielsens Hotell på eit postkort ca. 1910. Foto: PP, eigar Sunnfjord Museum/Fylkesarkivet i Sogn og Fjordane.

I 1941 vart hotellet rekvirert og brukt resten av krigen som forlegning for tyske soldatar.

Bygningen er teken vare på i sin opphavelege stil, men fekk i 1964 eit påbygg i betong. Dette påbygget vart på 1980-talet «kamuflert» og betre tilpassa det gamle bygget ved endring av takkonstruksjonen.

Asylmottak

I 1989 skifta Vassenden Hotell namn til Jølster Hotell. I 1998 vart hotellet teke i bruk som asylmottak. Mottaket vart avvikla i 2001, og eigarane, Bjørg og Ottar Øygard, tok opp att hotelldrifta. Men i 2010 vart hotellet på ny asylmottak med plass til 80 asylsøkjarar.

I 2011 vart hotellet kjøpt av Jølster Hotell AS. Bak det står Erlend Gjelsvik, Magne Støfring, Anders Eikås, Einride Østenstad og Ottar Øygard.

(Sjå fleire hotell under: Gjestgjevarstader i Jølster.)

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 16.11.2011