Vestlandske Felleskjøp
Felleskjøpet på Skei. Foto: Ottar Starheim, NRK.
Vestlandske Felleskjøp starta avdeling på Skei i 1969 for sal av landbruksmaskinar i ein bygning Jølster Samyrkelag hadde reist. Felleskjøpet flytta i 1999 inn i eit nybygg på 2300 kvm like aust for Skei sentrum, og selde då den første bygningen tilbake til samvirkelaget. Bilverkstaden Jølster Bil AS leiger lokale i bygningen, resten brukar Coop til lager.
Felleskjøpet på Skei har 18 tilsette og ei årleg omsetning på kring 65 millionar kroner. Selskapet har sidan 2006 heitt Felleskjøpet Agri etter ei samanslåing av felleskjøpa på Aust- og Vestlandet i 1999.
Felleskjøpet har også eigen butikk på Øyrane i Førde.
- Les meir om Vestlandske Felleskjøp i Bondeeigde kjøpelag og salslag.
Felleskjøpet si forretning på Øyrane i Førde. Foto: Kjell Arvid Stølen, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 17.12.2010