Hopp til innhold
X
Innhald

Ambjørg Sælthun

Ambjørg Sælthun (1922-2012) frå Ål i Hallingdal, busett på Seltun. Bonde og Senterpartipolitikar. Utdanna på husstellskule og sjukepleiarskule. Medlem av skulestyret 1959-1971 og kommunestyret 1971-1975. Styremedlem i Sogn og Fjordane Bondekvinnelag frå 1965 og leiar 1969-1971. Medlem av landsstyret i Norges Bondekvinnelag frå 1965 og nestleiar i fire år. Styremedlem Norges Bondelag 1971-1974. Sentralstyremedlem Norske Kvinners Nasjonalråd 1971-1974. Leiar Nordens lands kvinner 1973-1974.

Ho har elles vore vararepresentant til styret i NRK og Industribanken, styremedlem i Det Norske Samlaget og Det Norske Teatrets målpolitiske råd. Medlem av landsstyret i Senterkvinnene frå 1972, leiar frå 1976. Medlem av Senterpartiet sin prinsipprogramkomite 1973. Medlem i sentralstyre og landsstyre frå 1976 og nestleiar i Senterparti-gruppa på Stortinget 1977-1978.

Ambjørg Sælthun vart vararepresentant til Stortinget 1969-1973, der ho møtte fast siste året medan John A. Austrheim var samferdsleminister. Ho var fast representant 1973-1985, og vart den første kvinna frå Sogn og Fjordane på Stortinget. Første perioden, 1973-1977, var ho einaste kvinna i Senterparti-gruppa på Stortinget. Varapresident i Stortinget 1981-1982.

Som leiar i Senterkvinnene tok ho initiativet til ein stor tverrpolitisk kvinneaksjon mot pornografi på slutten av 1970-talet.

Ho vart æresmedlem i Norges Bondekvinnelag i 1982 og i Senterpartiet i 1988.

Tildelt Kongens fortenestemedalje i gull i 2008.

Dette biletet vart teke då Ambjørg Sælthun fekk Kongens fortenestemedalje i gull i 2008. Sitjande frå v. ordførar Arne Sanden i Lærdal, Ambjørg Sælthun, fylkesordførar Nils R. Sandal. Ståande assisterande fylkesmann Anne Karin Hamre og statsråd Liv Signe Navarsete. Foto: Nils Roar Sælthun.

Dette biletet vart teke då Ambjørg Sælthun fekk Kongens fortenestemedalje i gull i 2008. Sitjande frå v. ordførar Arne Sanden i Lærdal, Ambjørg Sælthun, fylkesordførar Nils R. Sandal. Ståande assisterande fylkesmann Anne Karin Hamre og statsråd Liv Signe Navarsete. Foto: Nils Roar Sælthun.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 12.01.2012