Hopp til innhold
X
Innhald

Borgund Sparebank

Indre Sogn Sparebank på Steinklepp, tidlegare Borgund Sparebank. Foto: Kjell Arvid Stølen, NRK.

Indre Sogn Sparebank på Steinklepp, tidlegare Borgund Sparebank. Foto: Kjell Arvid Stølen, NRK.

Borgund Sparebank på Steinklepp, vart skipa i 1916 etter opptak frå lensmann og kaptein Anders Næsset.

Sonen Lars Nesse var også lensmann i Lærdal og Borgund, og kasserar i Borgund Sparebank frå 1916 til 1946. Deretter overtok sonen hans, Anders L. Nesse, som bankstyrar. Borgund Sparebank gjekk inn i Indre Sogn Sparebank då denne vart skipa i 1971.

Sparebanken i Borgund heldt til i kommunehuset på Steinklepp, men skaffa seg seinare eige hus. I 1983 vart sparebanken rana av artisten «Samson», som reiste rundt i distriktet og viste kunstane sine som «sterk mann». Sparebanken på Steinklepp vart seinare filial under Indre Sogn Sparebank.

Slutt etter 96 år

I oktober 2011 varsla Indre Sogn Sparebank at filialen på Steinklepp skulle leggast ned i mars 2012.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 31.10.2011