Hopp til innhold
X
Innhald

Feavl og hesteutstillingar

Jens Jensson Nygard med ein hest av rasen sognedøl. Hesteutstillingane på Lærdalsøyri var starten på utviklinga til denne hesterasen. Ukjend fotograf. Eigar: Lærdal lokalhistoriske arkiv.

Jens Jensson Nygard med ein hest av rasen sognedøl. Hesteutstillingane på Lærdalsøyri var starten på utviklinga til denne hesterasen. Ukjend fotograf. Eigar: Lærdal lokalhistoriske arkiv.

Rumohr-folket på Rikheim var føregangsmenn i jordbruksnæringa på 1800-talet. På 1820-talet henta Rikheim avlsverar heilt frå Spania for å forbetre den lokale sauerasen. Om lag samstundes fekk folket i prestegarden på Tønjum innført ein engelsk sauerase.

Ein storfetype som lokalt vert kalla «Lærdalsfeet» vart kryssa fram på Rikheim i den tida storgarden vart brukt som landbruksskule (1896-1907). Den første offentlege utstillinga for dølahest og blandingsrasar vart halden på Lærdalsøyri i 1855. Dette var starten på avlen av dølahest i Sogn. Frå 1885 vart det fast årleg hingsteutstilling på Lærdalsøyri, kombinert med hestemarknad.

Les meir om: Storgarden Rikheim og Historia om hesteavlen i Sogn og Fjordane.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 18.05.2011