Kristen Olav Grøttebø
Kristen Olav Grøttebø fødd 1950 i Undredal, busett på Lærdalsøyri. Lensmann og musikar.
Grøttebø har lang fartstid i ulike band som countrymusikar, m.a. i den populære gruppa «Longhorn». Han har skrive fleire melodiar sjølv, m.a. den kjende visa om «E68 over Filefjell».
Grøttebø har arbeidd i lensmannsetaten i Lærdal og Årdal sidan 1974, og frå 1997 som lensmann i Årdal. Frå 2008 har han vore politiførstebetjent ved Sogn og Fjordane politidistrikt i Florø.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 07.01.2010