Hopp til innhold
X
Innhald

Oddmund Einemo

Oddmund Einemo starta som maskinentreprenør og lastebilsjåfør på Lærdalsøyri i 1939. Han bygde bilverkstad og bensinstasjon på Brattegjerdet, eit par kilometer aust for sentrum, i 1951. Sonen Jetmund Einemo tok seinare over entreprenørforretninga og har drive den under firmanamn Einemo AS. I 2007 hadde Einemo AS åtte tilsette og ei omsetning på kring seks millionar kroner.

Bilverkstaden og bensinstasjonen på Brattegjerdet vart kring 1963 leigd av Ivar Grønsberg (sjå også Grønsberg & Sønner A/S), som dreiv den ei tid. I 1970 overtok Bjarne Bækken. Han dreiv bilforretning, verkstad og bensinstasjon fram til anlegget vart lagt ned i 1975 og bygningane rivne.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 15.12.2009