Hopp til innhold
X
Innhald

Bilførande båtruter og gjennomgangsferjer

Det var ikkje like enkelt å få bilar og bussar av og på ”ferjene” før Fylkesbaatane fekk seg spesialbygde bilferjer. Her ryggar sjåfør Arne Skartun om bord i

Det var ikkje like enkelt å få bilar og bussar av og på ”ferjene” før Fylkesbaatane fekk seg spesialbygde bilferjer. Her ryggar sjåfør Arne Skartun om bord i

Ei bilførande båtrute Vadheim-Lærdal vart sett i gang i 1934. Fylkesbaatane sin «Stavenes» gjekk i den daglege ruta, som også gjekk opp under Hermansverk. Lengre inne i fjorden korresponderte ruta med båt frå Gudvangen, og bilar vart overførde frå skip til skip i rom sjø. Frå 1945 vart det sett inn eiga bilførande båtrute mellom Høyanger/Nordeide og Leikanger.

Då ferjeleiet på Hella vart opna i 1956, vart ruta korta ned til Nordeide-Hella. Denne ferja vart igjen nedkorta til Nordeide-Kongsnes i 1971 (sjå Sognefjordslina og vekstsenteret Førde og «Ferdsla på fjorden i Balestrand») då vegen vestover frå Balestrand til Kongsnes var ferdig.

Ei flaggpynta MF ”Vangsnes” på første turen til ferjekaia på Hella i 1956. Ukjend fotograf. Eigar: Ola A. Vestrheim/Fylkesarkivet i Sogn og Fjordane.

Ei flaggpynta MF ”Vangsnes” på første turen til ferjekaia på Hella i 1956. Ukjend fotograf. Eigar: Ola A. Vestrheim/Fylkesarkivet i Sogn og Fjordane.

Hella-Dragsvik-Vangsnes

Ferjesambandet Hella-Dragsvik-Vangenes vart opna i 1956, og avløyste då sambandet Grinde-Vetlefjorden. Dette ferjesambandet vart ein aldri så liten samferdslerevolusjon, for turen over til Dragsvik tek berre fem minutt, og ferjene kunne gå langt oftare enn ferja mellom Vetlefjorden og Grinde. Fram til tverrsambandet mellom Skei og Sogndal vart opna i 1994 var Hella-Dragsvik ein del av den einaste vegen mellom indre Sogn og Sunnfjord/Nordfjord.

Ferjekaia på Hella sett frå Vangsnes. Foto: Ottar Starheim, NRK.

Ferjekaia på Hella sett frå Vangsnes. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 04.08.2011