Hopp til innhold
X
Innhald

Henjatunet - blant dei største klyngetuna

Henjatunet. Foto: Ottar Starheim, NRK.

Henjatunet. Foto: Ottar Starheim, NRK.

På garden Henjum låg i gamal tid eit av dei største klyngetuna i Sogn og Fjordane. Ved utskiftinga i 1865 vart det talt over 100 hus i tunet, fordelt på åtte bruk. I tillegg til husa i sjølve tunet, hadde brukarane også naust, kvernhus, utløer, stølshus m. m. andre stader på eigedomane.

Dei fleste bygningane i det tette tunet vart lagde i oske i ein storbrann i juni 1743. I alt brann 96 bygningar ned. Trass i dette, vart husa bygde opp att på branntuftene, og tunet vart like tettvakse som før.

I Henjatunet låg også den gamle kyrkja - sjå: Mange kyrkjer i mellomalderen. Staden der den stod vert framleis kalla «Kyrkjegarden», og fram gjennom tida har fleire personar frå Henjum vorte førte inn i kyrkjebøkene med etternamnet «Kirkegården». Kyrkja vart lagt ned i 1544. På den gamle kyrkjegarden er det funne fleire gamle graver.

Sjå elles om gamal busetjing og fornfunn på Henjum: Jordbruket tidleg ute i midtre Sogn.

Henjatunet midt på biletet sett frå Hermansverk. Foto: Ottar Starheim, NRK.

Henjatunet midt på biletet sett frå Hermansverk. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 08.08.2011