Hopp til innhold
X
Innhald

Hermetikkfabrikken Viking

Per Klingenberg Knutsen dreiv svartebørshandel og vart krigsprofitør under 2. verdskrig. Etter krigen vart han dømd for landssvik og fekk store bøter. Dette slo beina unna fabrikk- og forretningsverksemda hans.

Knutsen gjekk konkurs, og hermetikkfabrikken vart no selt til fabrikkeigar Jacob Sætre, ein masfjording som budde i Bergen. Sætre hadde saman med kompanjongen Jon Pedersen bygt opp ei mengd hermetikkfabrikkar i mellomkrigstida. Etter krigen skilde dei lag, og Sætre dreiv på eiga hand ei mengd fabrikkar heilt frå svenskegrensa til Aukra. Her i fylket kjøpte han elles ein hermetikkfabrikk på Grytøyra i Sunnfjord i 1949 - sjå: Handel og hermetikk på Grytøyra.

Då Jacob Sætre overtok på Hermansverk, bytte fabrikken namn til «Hermetikkfabrikken Viking A/S». Den vart driven til fram på 1960-talet, og var ein av dei første som Sætre la ned i konsernet sitt. Seinare overtok Leikanger Sparebank fabrikktomta, reiv dei gamle bygningane og bygde sitt eige bankbygg der.

Les meir om industri-greina i familien Knutsen.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 05.06.2008