Kong Oscar II vitja Leikanger i 1879. Vitjinga i Sogn var ein lekk i ei vestlandsreise der kong Oscar kom frå Voss til Gudvangen og reiste med båt ut fjorden der han vitja Leikanger og Fjærland, der kongen og fylgjet reid på hest til Bøyabréen. Kongen avslutta reisa gjennom fylket i Lærdal og Borgund.

Kong Olav V

gjesta Leikanger som kronprins i 1933 saman med kronprinsesse Märtha i samband med ei rundreise i fleire Sogne-kommunar. Olav V vitja også Leikanger i 1949 i samband med ei ferd til Skjåk, der han skulle opne lands-speidarleir. Kronprins Olav overnatta då i Fylkesmannsgarden og køyrde frå Leikanger til Skjåk i bil.

I samband med Fylkesbaatane sitt 100-årsjubileum i 1958 vitja kong Olav Hermansverk. Han steig ikkje i land, men helsa folket frå kommandobrua på «Sunnfjord».

Kong Harald V

vitja Leikanger som kronprins i 1979 saman med kronprinsesse Sonja i samband med ei rundreise i fleire kommunar i Sunnfjord og Sogn. Dei kom med kongeskipet "Norge" til Leikanger, og vitja m.a. aldersheimen.