Hopp til innhold
X
Innhald

Samferdsle i Leikanger

Hornelen ligg ved kai på Hermansverk ca. 1890. På biletet kan vi lese teksten Parti fra Sjøstrand. Namnet er seinare blitt til Systrond. Foto: K. Knudsen. © Billedsamlingen, UiB.

Hornelen ligg ved kai på Hermansverk ca. 1890. På biletet kan vi lese teksten Parti fra Sjøstrand. Namnet er seinare blitt til Systrond. Foto: K. Knudsen. © Billedsamlingen, UiB.

Dette biletet er truleg teke kort tid etter at vegen mellom Sogndal og Hermansverk vart opna i 1937. Fotografen hadde sett seg i ein såkalla solskinsbuss og knipsa dette biletet ved Laberg like aust for Hermansverk. Foto: Carl Normann.

Dette biletet er truleg teke kort tid etter at vegen mellom Sogndal og Hermansverk vart opna i 1937. Fotografen hadde sett seg i ein såkalla solskinsbuss og knipsa dette biletet ved Laberg like aust for Hermansverk. Foto: Carl Normann.

Vegar i Leikanger

Leikanger fekk vegutløysing til Sogndal i 1937, etter at det hadde vore reist krav om vegsamband austover sidan 1910. Vegen var i mange år svært rasfarleg, men no er det bygt to tunnelar som gjer vegen langt tryggare.

Ferdsla på fjorden i Leikanger

På Hanehaug i Leikanger var det skysstasjon,truleg frå skyssplikta vart innført i 1648. Hermansverk vart stoppestad for Fylkesbaatane frå skipinga av selskapet i 1858.

Post i Leikanger

Den første rodde postruta på Sognefjorden kom i stand frå Den Trondhjemske Postvei ved Leirvik innover til Frønningen i 1836. Frå 2001 har Leikanger vore utan postkontor, all postteneste i kommunen er overført til butikk.

Telefon i Leikanger

Den første private telegraflina vart bygd mellom Hanehaug på Leikanger og Hermansverk i 1892.

Fylkesveg 55 mellom Leikanger og Hella. Foto: Ottar Starheim, NRK.

Fylkesveg 55 mellom Leikanger og Hella. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 26.06.2012