Hopp til innhold
X
Innhald

Ulukker i Leikanger

Steinsprang har teke liv i Leikanger. Vegen under Fatlaberget kunne til tider vere eit mareritt å køyre. Føraren av denne bilen hadde hell i uhellet ettersom steinen ikkje gjekk gjennom frontruta. Foto: Cosmin Cosma, NRK.

Steinsprang har teke liv i Leikanger. Vegen under Fatlaberget kunne til tider vere eit mareritt å køyre. Føraren av denne bilen hadde hell i uhellet ettersom steinen ikkje gjekk gjennom frontruta. Foto: Cosmin Cosma, NRK.

Oversynet tek med berre ulukker med fleire omkomne, eller ulukker under særskilde omstende:

1684

I 1684 drukna soknepresten Jens Bugge på veg frå Fresvik til Leikanger.

1784

I 1784 brann ein stor del av gardshusa på Eggum ned.

1800

I pinsa 1800 drukna eit ektepar og to av borna deira utanfor Grinde. Ein dreng vart berga då båten kantra i stormen.

1828

I 1828 drukna ei kvinne i elva på Grinde

1840

I 1840 omkom mor og son frå Supphamar i eit skred.

1841

I 1841 fraus ein mann frå Henjum i hel.

1846

I 1846 omkom ein mann frå Hella då han vart teken av eit snøskred.

1934

I 1934 fall ein 12 år gamal gut frå Njøs utfor ei bru og drukna.

1940

I april 1940 vart kapteinen på Fylkesbaatane sin «Kommandøren» drepen under bombing av Leikanger (sjå: Bombing og død på Hermansverk).

1951

I påska 1951 vart to skiløparar tekne av snøskred i Trastadalen, og ein av dei omkom.

1980

I 1980 omkom to born frå Hafslo då bilen dei sat i køyrde i fjorden like ved Eitorn.

1992

I 1992 omkom ein hjortejeger då han skulle krysse Henjaelvi på ei provisorisk taubane. Berelina rauk, og mannen fall i elva og drukna.

2007

I oktober 2007 omkom ei kvinne frå Sogn då bilen hennar vart råka av eit steinras frå Fatlaberget.

Ei ung kvinne omkom då ras i Fatlaberget trefte denne bilen. Foto: NRK.

Ei ung kvinne omkom då ras i Fatlaberget trefte denne bilen. Foto: NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.08.2011