Hopp til innhold
X
Innhald

Vangsnes Fiskematfabrikk

Vangsnes Fiskematfabrikk heldt til i betongbygningen framfor det staselege bustadhuset til Reidar Vangsnes. Foto: Ottar Starheim, NRK.

Vangsnes Fiskematfabrikk heldt til i betongbygningen framfor det staselege bustadhuset til Reidar Vangsnes. Foto: Ottar Starheim, NRK.

Vangsnes Fiskematfabrikk på Leikanger vart starta i 1938 av Johannes Vangsnes. I tillegg til fiskematproduksjon, dreiv verksemda med salting og røyking av sild og fisk, og hadde eigne fiskebilruter i indre Sogn. I 1946 utvida Vangsnes med nye produksjonslokale der det jamt var 14 fast tilsette.

Sønene Reidar Vangsnes og Kjell Vangsnes kom med i den daglege drifta på 1950-talet. Midt på 1960-talet vart fiskematproduksjonen trappa ned, og firmaet gjekk over til agenturverksemd for Frionor, Forenede Margarinfabrikker og Banan-Mathiesen (BAMA).

Satsa på blåskjel

Reidar Vangsnes for sin del vart ein av medskiparane av Sygna Aquakultur (sjå denne) i 1984, og har sidan 1990 engasjert seg sterkt i blåskjelnæringa i Sogn - m.a. gjennom firmaet Fjord Garden AS (Fjord-aker) og Detox.

Vangsnes Agentur leigde ut

Kjell Vangsnes med Vangsnes Agentur bygde nye lagerlokale på Hermansverk som vart leidge ut til BAMA. Her vart også sonen Stein Vangsnes tilsett. Anlegget i Hagane heiter no Bama Storkjøkken AS fordi det leverer varer til storhushaldningar og institiusjonar. I Bama-bygga i Hagane har også det no nedlagde bygningsfrimaet NS-Bygg halde til. Bygget rommar no m.a. forretninga til Leikanger Mur og Flis AS som vart starta av Erik Vikdal

Bama-bygget med m.a. Leikanger Mur og Flis AS. Foto: Ottar Starheim, NRK.

Bama-bygget med m.a. Leikanger Mur og Flis AS. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 01.08.2011