Hopp til innhold
X
Innhald

Veten på Hamre

Veten som skulle varsle om ufred låg på dette nestet på Hamre. Foto: Ottar Starheim, NRK.

Veten som skulle varsle om ufred låg på dette nestet på Hamre. Foto: Ottar Starheim, NRK.

Den eldste og raskaste måten å varsle ufred på i gamle dagar, var å tenne vetar. Vetane stod oftast på høge fjell med vidt utsyn. Lyset frå bålet vart fanga opp av vardevakter på andre vetepunkt som tende sine bål. Systemet var i bruk heilt fram på 1800-talet.

Men slett ikkje alle vetar låg på dei høgste fjell. Ute ved kysten fanst ofte to vetepunkt på same «signalstrekninga»; eit høgt som vart nytta i godvêr, og eitt lågt som kunne sjåast under skydekket og havskodda. Dette var tilfellet t.d. kring Måløy.

Lågastliggande veten

Det lågaste vetepunktet som er kjent innover fjordane i Sogn og Fjordane, må vere det som låg heilt nede ved sjøkanten på Hamre i Leikanger. Neset ved Hamre er synleg milevis vestover og austover. Dessutan hadde vardevakta kort veg ned til stranda om varden skulle tennast!

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.08.2011