Hopp til innhold
X
Innhald

Jens Bugge Fraas

Fraasgård i Marifjøra, der det var butikk til 1977. Foto: Arild Nybø, NRK.

Fraasgård i Marifjøra, der det var butikk til 1977. Foto: Arild Nybø, NRK.

Jens Bugge Fraas starta landhandel i Marifjøra kring 1880.

I 1888 bygde han huset som seinare vart kalla «Fraasgård», der han dreiv handel til han døydde i 1935. Då tok Olav Melheim over butikken i Fraasgård. Handelen i Fraasgård gjekk over til L/L Marifjøra Handelslag då det vart skipa i 1940 av brørne Andreas og S. A. Hjetland frå Høyanger, Edvard Lie og Olav Th. Melheim. Dei dreiv også slakteri i ei av sjøbuene i Marifjøra. Om hausten leverte slakteriet mykje saueslakt til Oslo og Drammen. Slakteriet var i drift til 1952.

I 1966 kjøpte Olav Th. Melheim dei andre eigarane ut og heldt fram med landhandel fram til 1977. Enkja Kathi og seinare svigersonen Magne Moen har sidan drive sal av kraftfór, gjødsel og sprengstoff.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 22.03.2011