Hopp til innhold
X
Innhald

NTP Gandrudbakken AS

Avery Dennisson NTP i Gaupne. Foto: Ottar Starheim, NRK.

Avery Dennisson NTP i Gaupne. Foto: Ottar Starheim, NRK.

NTP Gandrudbakken AS vart starta i Gaupne i 1988 av Atle Gandrudbakken frå Bergen.

NTP Gandrudbakken AS vart starta i Gaupne i 1988 av Atle Gandrudbakken frå Bergen.

Verksemda har spesialisert seg på trykking av merke på tekstilar og konfeksjon, og vekte m.a. merksemd då dei i 1999 sikra seg kontrakt på levering av fotballdraktene til Premier League i England, og seinare til FC Barcelona.

Kraftig vekst

NTP starta med fire tilsette i eit kommunalt næringsbygg, men overtok i 1999 dei tidlegare lokala til tekstilverksemda Synfiber A/S på 4.000 kvadratmeter. I 2002 hadde verksemda ei omsetning på 42 millionar kroner og 80 tilsette. Innan 2005 reknar ein med å auke til 100 tilsette i Gaupne.

Atle Gandrudbakken. Foto: Asle Veien, NRK.

Atle Gandrudbakken. Foto: Asle Veien, NRK.

Produksjon i utlandet

Produksjon i utlandet

I åra fram til 2002 starta NTP Gandrudbakken også lisensproduksjon i Sverige, Portugal og New Zealand.

Selde til storkonsern

I 2002 selde Atle Gandrudbakken verksemda si til det amerikanske storkonsernet Paxar som har over 40 fabrikkar og verksemd i 75 land, mellom 7000 og 8000 tilsette og ei omsetning på 700 millionar dollar (2002) i året. Etter samanslåinga har verksemda i Gaupne også fått lisensproduksjon på produkta sine i USA og Kina. I 2007 vart Paxar kjøpt opp av det verdsomspennande Avery Denisson-konsernet med over 34.000 tilsette i over 70 land. Namnet på avdelinga i Gaupne er Avery Dennison NTP.

I 2012 fekk verksemda i Gaupne ansvaret for utviklingsarbeidet i Avery Dennison-konsernet. Dette fører til fleire arbeidsplassar i Gaupne, der det i 2012 er 108 tilsette.

Gandrudbakken ut av verksemda

I 2013 måtte grunnleggaren av verksemda i Gaupne, Atle Gandrudbakken, gå etter usemje med dei amerikanske eigarane.

Frå produksjonen i Avery Dennison NTP. Foto: Lustranytt.

Frå produksjonen i Avery Dennison NTP. Foto: Lustranytt.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 07.11.2013