Hopp til innhold
X
Innhald

Vikinggard og kongegods på Flahamar

Garden på Flahamar har røter som stormannssete lenge før den danske embetsmannstida: Her er det funne ei båtgrav til ei velståande kvinne.

I grava fann ein m.a. to ovale brosjer og eit smykke frå Irland. Funna er tidfesta til 800-900-talet - dvs. vikingttida. Like ved grava var det reist ein bautastein.

Kongegods etter reformasjonen

På 1300-talet var Flahamar eigd av kyrkja, og vart etter reformasjonen gjort til kongegods.

I 1522 finn ein at ei velståande kvinne som vert kalla «hustru Unni», budde på Flahamar. Meir veit ein ikkje om henne, men historikaren Jon Laberg meiner at både ho og andre som budde der fram til 1563 var, av adeleg ætt.

I 1647 eig adelsmannen og riksråden Iffuer Wind til Nørholm det meste av Flahamar, men budde ikkje der.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 20.01.2009